مبني للكسارات. مش برنامج محاسبة معدّل.
من النقلة للفاتورة، ومن لتر السولار لساعة الصيانة. كل رقم بشغلك بمكان واحد — وبالعربي.
دفاترك بتضل بمكتبك.
النظام بينركّب على جهاز عندك بالكسارة. حساباتك وعملاءك وأسعارك ما بتطلع لسيرفر شركة تانية، ولا بتنحفظ بمكان انت ما بتوصله. وإذا يوم من الأيام وقّفت التعامل معنا — البيانات بتضل عندك زي ما هي.
بيشتغل بدون إنترنت
الكهربا راحت والنت فصل؟ الكسارة بتضل تشتغل، والنظام كمان. مش مربوط بخط إنترنت عشان تسجّل نقلة.
بلا اشتراك شهري
بتدفع مرة وحدة على التركيب والتدريب. ما في فاتورة بتيجي كل شهر، ولا سعر بيرتفع بعد سنتين.
عربي من الأساس
مش ترجمة لبرنامج أجنبي. الشاشات والتقارير والفواتير كلها عربية ومن اليمين لليسار.
وانت برّا الكسارة، بتضل شايفها
النظام بينفتح على الجوال زي التطبيق تمامًا — بتحطه على الشاشة الرئيسية وبتفتحه بكبسة، بلا تنزيل من أي متجر.
- إيراد اليوم ونقلاته، ومقارنته بالأمس
- الي متأخر عليك: صيانة، شيكات، أوراق على وشك الانتهاء
- آخر النقلات لحظة ما تنسجّل
- الأصناف الي قاربت تخلص من المستودع
- ترتيب الشاشة على كيفك — بتخفي الي ما بتحتاجه
خلّينا نفرجيك النظام على شغلك انت
احكيلنا عن كسارتك — كم معدّة، كم نقلة باليوم، وشو الي بيوجع حاليًا. بنرتّب عرضًا توضيحيًا على بياناتك انت مش على أمثلة جاهزة.